1-сентябрда “Аркус” басма үйүнүн өкүлдөрү Ош облусунун Чоң-Алай районундагы Алайчы уулу Саит атындагы инновациялык мектептин салтанаттуу линейкасына катышты.
Өткөн жылы бул мектепте орус тилдүү биринчи класс ачылып, «Аркус» басмасы биринчи жана экинчи класстардын окуучуларын орус тилиндеги окуу китептери жана жумушчу дептерлери менен камсыз кылган.
Чек арадагы Кара-Мык жана Кара-Тейит айылдарынын биринчи класстарынын окуучуларына да жаңы окуу китептери жана жумушчу дептерлер тапшырылды.
Жалпысынан 160 миң сомдук окуу китептери жана жумушчу дептерлер берилди.
